StadtASG Spitalarchiv D42 1

Am

24.12.1331 (an dem hailigen abende ze winnaeht)
verleiht Graf Diethelm von Toggenburg an Johann von Meldegg und seiner Gemahlin die Vogtei zu Neuchlen.

StadtASG

Archivalienart

Material

Siegel

Spitalarchiv D42 1

Urkunde

Pergament

Hund im dreieckigen Schild

Sprache

Format B x H

Ausstellungsort

Deutsch

27 x 11 cm

Arbon

URL

UB St. Gallen IV, S. 1062, Anhang 193 (unvollständig)

Inhalt
Wir graue Diethelm von Toggenburch1 tuegen kund allen den, die disen brief ansehent lesent oder || hoerent lesen, das wir ansehen habin vnd ansehen dankber dienst vnd trúwe, die vns der frume || beschaiden man Johans von Meldegg2 getan hat vnd noch getvon mag, vnd darumb so tuegen || wir im gnade vnd habin getan, das wir die vogtye ze Noechelon3 v´ber livt vnd v´ber gůt, div von vns lehen ist, im vnd Cristinen siner elichen wirtenn verlihen habin ze rehtem lehen, vnd waer och das, das es ze schulden kaeme, das der selb Johans vnd sin wirtenn Cristine baidv´ sturbin, das got wende, vnd si tohteran liessin vnd nit sv´n, den solin wir die vorgenanten vogtye ze Noechelon mit allen rehten vnd gewonhaiten, die darzv° gehoerent, lihin in allem dem reht, als si sv´ne waerin, vnd habin das getan willeklich durch die liebi, die wir zv° dem vorgenanten Johansen habin. Vnd das dis war sie vnd staett belibe, so habin wir vnser insigel gehenket an disen brief. Der geben ist ze Arbon4, do man zalt von Cristus geburt druzehenhundert jar, in dem ainem vnd drissigosten jar, an dem hailigen abende ze winnaeht.

Erläuterung
  • 1 Diethelm VIII. (V.) v. Toggenburg, 1318 - + 1337.
  • 2 Johann v. Meldegg (Gem. Gaiserwald, Bez. Gossau), 1326-1353.
  • 3 Neuchlen, Gem. u. Bez. Gossau.
  • 4 Arbon, Stadt u. Bez. TG.

Anmerkungen
Geschrieben von Konstanzer Hand

Rückseitenvermerk

Rückseitenbeschriftung Urkunde 24.12.1331

 

 

 

Lehenbrief

 

(14./15. Jh.): Von Noechla